នាព្រឹកថ្ងៃចន្ទ ៨រោច ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៣ ខែធ្នូ ឆ្នាំ២០២៤ ស្ថាប័នអប់រំ អេជី ដែលមានសាលារៀន អារីហ្សូន និងសាលាអន្តរជាតិហ្រ្គេនម៉ោន ដឹកនាំដោយឧកញ៉ាវេជ្ជបណ្ឌិត ជា សុខឃាង ស្ថាបនិក និងជាប្រធាននាយកប្រតិបត្តិ បានដឹកនាំសិស្សានុសិស្សជ័យលាភីនិទ្ទេស A ទាំង ៩រូប ចូលរួមពិធីសំណេះសំណាលជាមួយសិស្សនិទ្ទេស A នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ០៨ តុលា ២០២៤ ក្រោមអធិបតីដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។ អបអរសាទរ និងជាកិត្តិយសសម្រាប់យុវសិស្ស សូរ សំណាង ជាសិស្សមកពីសាលារៀនអារីហ្សូន សាខាខេត្តសៀមរាប ត្រូវបានផ្តល់កិត្តិយសឡើងទទួលរង្វាន់ដោយផ្ទាល់ពីសម្តេច ក្នុងនាមសិស្សនិទ្ទេស A តំណាងខេត្តសៀមរាប។Read More

គណៈគ្រប់គ្រងស្ថាប័នអប់រំ អេជី ដែលមានសាលារៀនអារីហ្សូន សាលាអន្តរជាតិហ្គ្រេនម៉ោន និងមជ្ឈមណ្ឌលបណ្តុះបណ្តាល អេជី ព្រមទាំងការិយាល័យតំណាងក្លូបលស្ទូដែនប្រចាំ ព្រះរាជាណាចក្រកម្ពុជា ជាបុត្រសម្ព័ន្ធ ដឹកនាំដោយ ឧកញ៉ា វេជ្ជបណ្ឌិត ជា សុខ ឃាង ស្ថាបនិក ជាប្រធាននាយកប្រតិបត្តិ រួមដំណើរដោយគណៈគ្រប់គ្រងសាលាជាច្រើននាក់ទៀត បានធ្វើដំណើរចាកចេញពីព្រះរាជាណាចក្រកម្ពុជាទៅកាន់សាធារណរដ្ឋប្រជាមានិតចិនក្នុងគោលបំណង៖ ១.ចុះអនុស្សារណៈនៃការយោគយល់គ្នារវាងស្ថាប័នអប់រំអេជី និងសកលវិទ្យាល័យបច្ចេកវិទ្យា ហាប៊ីន ២.ចូលរួមក្នុងកិច្ចប្រជុំ «2024 Oversea High School Principal Campus Discovery» នៅសកលវិទ្យាល័យបច្ចេកវិទ្យា ហាប៊ីន ៣. ជួបសំណេះសំណាលជាមួយអតីតសិស្សនៃសាលារៀនអារីហ្សូន ដែលទទួលបានអាហារូបករណ៍ និងកំពុងសិក្សានៅទីនោះ។Read More